“Cúis áthais ag Gael-Taca a fhógairt go mbeidh Rang Gaeilge againn i mbliana don chéad uair riamh” a deireann Áine Ni Shléibhín, Oifigeach Forbartha Ghael-Taca. “Tá líon mór daoine ann gur mian leo an teanga a labhairt ach atá imníoch faoin a gcumas cainte. Tabharfaidh rang Ghael-Taca deis ar cleachtadh cainte a fháil i dtimpeallacht chompórdach, agus beidh béim ar chúnamh a thabhairt don bhfoghlaimeoir agus don té gur mian leis a bheith líofa.

Cuirfear tús leis na ranganna ar an Luan 27 Meán Fómhair. Cúrsa ocht seachtaine atá i gceist, ar chostas iomlán 85 euro, idir 7.30 -9.00 a chlog agus cuirfear an t-airgead seo le cur chun cinn na Gaeilge sa chathair”.

Is féidir eolas faoin rang seo, agus faoi ranganna Gaeilge uilig is Ciorcail Chomhráidh sa chathair is sa chontae, agus faoi imeachtaí eile ag Gael-Taca ar son na Gaeilge, a fháil ó 021 4310841.

Bí ag faire amach do Sheastán Ghael-Taca ag an dTaispeántás Aosoideachais i Halla na Cathrach ar 7/8/9 Meán Fómhair.